وزير البترول يناقش اليوم صرف البنزين بكوبونات لرفع الدعم عن البنزين

القاهرة
نايل موتورز
كتب كريم منير
يعقد اليوم بمقر الهيئة العامة للبترول المهندس عبد الله غراب وزير البترول وعدد من كبار قيادات الهيئة العامة للبترول ومسئولو وزارة البترول وعدد من اعضاء اللجنة الاقتصادية والعديد من الخبراء اجتماع غاية في الاهمية لمناقشة مشروع صرف البنزين بالكوبونات وتحرير اسعار المنتجات البتروليه وعلى راسها البنزين والسولار لعدم اهدار الدعم وضمان وصوله لمستحقية
وعدم خلق سوق سوداء لتجارة المواد البتروليه


http://t2.gstatic.com/images?q=tbn:A...GcsOC7A1qzhHJw
صورة ارشيفية لازمة البنزين الماضية

نظام ان شاء الله ينجح بس الاهم ان يكون الكوبون المدعوم يكون نفس متوسط الاستهلاك السنوى للسياره فى بلد بها ازمة مروريه مزمنه على مدار العام الاستهلاك فى الوقوف فى الزحمه مساوى للاستهلاك فى التحرك فى الزحمه يعنى اضرب الكوبون *2 :b4_048:

ربنا يستر

هي الكوبنات فكره حلوه بس اللي احسن منها هي الرخصه الذكيه ودي كان هيبقي ليها عده فواءد اهمها القضاء علي سرقه السيارات لان كان لازم يطلع رخصه للعربيه عشان يقدر يمون وكمان كانت هتقضي علي المخالفات المروريه لان اللي كان هيخالف كانت المخالفه هتنزل علي الرخصه واقتي وعشان يقدر يمون العربيه يبقي لازم يدفع المخالفه الاول كان كل الناس هتتعلم الادب

طيب .. يلغوا الجمارك الأول
ويرجعوا فلوس الجمارك اللي نهبوها من أصحاب السيارات بدون وجه حق.

الحكاية دي تقلق فعلا يعني المفروض سعر العربيات ينزل بعد العملية دي اقل من النص دلوقتي لكن عربيات مبالغ بسعرها اوي زي عندنا هنا وكمان بنزين بالسعر الحر !!! بالحالة دي نعمل ايه يعني نركب عربيات كارلو ولا هيشيلو الدعم عن البرسيم جيزة 80 وجيزة 90 وجيزة 92 ألخ...
عجبي عليك يا بلد !!! ماهي ناقصة غلاء معيشة بكل حاجة زي اللي هيحصل بعد القانون ده اللي هيساء استخدامه كعادة اي قانون!!!

حسبى الله ونعم الوكيل

يااخوانا اقروا تفاصيل الخبر وانتوا هتفهموا كل حاجه والموضوع لو اتطبق زى ماهو مكتوب هيبقى حاجه جامده جدا
‏200‏ لتر بنزين مدعم شهريا لمالك السيارة الخاصة

200 لتر وجايين على نفسهم اوي بجد ليه كده ما يخلوهم عشرين لتر احسن ودول لو حسبتهم على الشهر بيطلع اليوم واقف عليك بكم لتر ستة لتر ونص تقريبا طب اللي شغله بيبعد عن بيته اكثر من ستين كيلو وبيسافر مية كيلو واكثر يعمل ايه ؟؟؟؟؟؟؟؟؟؟؟؟؟؟ وربنا ده تهريج بتهريج وربنا يستر ومش يعملوا لنا بطايق على الهوا اللي بنتنفسه بهوا مدعوم كمان
اسف لو كان ردي بايخ مش بقصد حضرتك طبعا بس بجد حاجة تنرفز وزبادي بالخلاط خصوصا اني مش مبسوط بحاجة تانية
وبنقول مبروك علينا القرار ده :( وشكرا

اقتباس:

---

المشاركة الأصلية كتبت بواسطة Inteltech

200 لتر وجايين على نفسهم اوي بجد ليه كده ما يخلوهم عشرين لتر احسن ودول لو حسبتهم على الشهر بيطلع اليوم واقف عليك بكم لتر ستة لتر ونص تقريبا طب اللي شغله بيبعد عن بيته اكثر من ستين كيلو وبيسافر مية كيلو واكثر يعمل ايه ؟؟؟؟؟؟؟؟؟؟؟؟؟؟ وربنا ده تهريج بتهريج وربنا يستر ومش يعملوا لنا بطايق على الهوا اللي بنتنفسه بهوا مدعوم كمان
اسف لو كان ردي بايخ مش بقصد حضرتك طبعا بس بجد حاجة تنرفز وزبادي بالخلاط خصوصا اني مش مبسوط بحاجة تانية
وبنقول مبروك علينا القرار ده :( وشكرا

---

أيوه بس حضرتك متبنيش قانون على exception .. يعني 200 لتر فى الشهر كويس جدا بالنسبه لمعظم الناس .. حتى لو مش كويس .. فكويس جدا ان الناس تاخد الكمية دي مدعمه .. و اللى محتاج أكتر من كده يشتري بسعر تاني.

كده يبقى في فرصه متساويه ان الناس كلها تنتفع بالبنزين.

هى لو رسيت على 200 فى الشهر يبقى كويس مش وحش على فكرة

أنا كنت بعمل حوالى 20 أو 22 ألف كم فى السنة..........كنت بفول 4 مرات فى الشهر كل مرة 55 لتر يعنى أدفع فى الشهر 20 لتر زيادة.

اللى شغله بيعتمد على اللف بالعربية أو شغله بعيد عن بيته أكتر من 60 أو 70 كم فى اليوم هو اللى هيتبهدل شوية.


بس فى مقابل الكلام ده لازم الجمارك تقل و لازم نعرف فلوس الدعم اللى هيترفع ده هتروح فين .

تيتتتتتتتتتتتتتتتتت !!!!!!

ده قرارا من ناس حقدة و منفسنة و مليانة حقد و غل على البشر قالك الناس بتركب عربيات حتى بالجمارك يبقى نعمل ايه نخليهم يدفعوا بانزين اضعاف اضعاف كمان ! تيتتتتتتتت يعني انتوا بتفكروا ازاي يعني العيش المدعم ابو 10 قروش ده الي مبيأكلش الحيوانات و مدعم و بتاع و بيتسرق و النصب و بتاع متشوفوا مشاكل البلد و بعدين تشوفوا بانزين !

شعب حاققققققققققققققد و حيفضل حاقد و ناقص ! الي عمل القرارا ده اكيد كان فلاح عايش ورا الجاموسة و لما بقى وزير قرر يعمل كدة !

بذمتكم ده موجود في اي دول في العاللللللللللللللم هوا احنا نتقدم ولا بنتأخر !

التكنولوجيا بترخص مش بتغلى ... الموبايلات النت مفروض الدقيقة ترخص ده يعني البلد بتمشي لقدام لكن احتكار البانزين يبقى تيتتتتتتتتتتت يعني ....

و مين قال انوا مش حيبقى في سوق سودا و نصب و احتيال و سرقة و حسبنة و محسوبية .... صاحب فلان بيه ياخد 200 لتر زيادة علاوة و يبيعهم او يحطهم للهمر بتاعته و 200 تانينه لعربية المدام و 200 هديمة من فلان بيه للواد توتو الي راكب الحتة البي ام ....

منكم لله ... حسيبى الله و نعم الوكيل ...

بجد معلش انا دمي اتحرق من ساعت ما شفت الخبر ده بس مكنتش مصدق قلت اشاعات لاكن لما ينزل رسمي كدة حولع في نفسي احسن ! :( ياريت محدش يفهمني صح ولا ياخد الكلام شخصي انا بتكلم من الوافع الي احنا عايشين فيه ...

و تحياتي

200 لتر ايه اللى فى الشهر كويس وانا بعمل فوق التلات الاف كيلو فى الشهر
والله ده خراب بيوت

عالم ولاد---------------------مش مكفيهم السرقه ونهب البلد عاوزين يخنقونا تانى ---ربنا يحرقهم بالسولار دنيا واخرة-------بس انا عاوز اعرف اللحمه هتنزل امته على الكوبون هيه والخص الاخضر--وبعدين الى معاهم عربيات فارهه بيدفعوا ضريبه كبيرة جدااااااااااااااااا --
وهتبتدى تجارة بيع الكوبونات

هي ناقصة

حسبى الله يشوفوا السعودية بكام البنزين منهم لله الحكومة

اقتباس:

---

المشاركة الأصلية كتبت بواسطة deshahcoka

تيتتتتتتتتتتتتتتتتت !!!!!!

ده قرارا من ناس حقدة و منفسنة و مليانة حقد و غل على البشر قالك الناس بتركب عربيات حتى بالجمارك يبقى نعمل ايه نخليهم يدفعوا بانزين اضعاف اضعاف كمان ! تيتتتتتتتت يعني انتوا بتفكروا ازاي يعني العيش المدعم ابو 10 قروش ده الي مبيأكلش الحيوانات و مدعم و بتاع و بيتسرق و النصب و بتاع متشوفوا مشاكل البلد و بعدين تشوفوا بانزين !

شعب حاققققققققققققققد و حيفضل حاقد و ناقص ! الي عمل القرارا ده اكيد كان فلاح عايش ورا الجاموسة و لما بقى وزير قرر يعمل كدة !

بذمتكم ده موجود في اي دول في العاللللللللللللللم هوا احنا نتقدم ولا بنتأخر !

التكنولوجيا بترخص مش بتغلى ... الموبايلات النت مفروض الدقيقة ترخص ده يعني البلد بتمشي لقدام لكن احتكار البانزين يبقى تيتتتتتتتتتتت يعني ....

و مين قال انوا مش حيبقى في سوق سودا و نصب و احتيال و سرقة و حسبنة و محسوبية .... صاحب فلان بيه ياخد 200 لتر زيادة علاوة و يبيعهم او يحطهم للهمر بتاعته و 200 تانينه لعربية المدام و 200 هديمة من فلان بيه للواد توتو الي راكب الحتة البي ام ....

منكم لله ... حسيبى الله و نعم الوكيل ...

بجد معلش انا دمي اتحرق من ساعت ما شفت الخبر ده بس مكنتش مصدق قلت اشاعات لاكن لما ينزل رسمي كدة حولع في نفسي احسن ! :( ياريت محدش يفهمني صح ولا ياخد الكلام شخصي انا بتكلم من الوافع الي احنا عايشين فيه ...

و تحياتي

---

واضافه ع كلامك انا اعرف ناس والله بيعملوا اقل من 5000 ك ف السنه وفيه 10 انا كل يوم بس عشان اروح الكليه والشغل وارجع البيت لو مواصلات بخش ف 25ج ولو بالعربيه بعمل ف اليوم 150كيلو وانت واحد شغلك جنب بيتك بتروحوا مشى
يعنى هو عشان انا بتعب تتطلع ........ ....* بزياده
طيب انا هجيب عربيه ب 3000 كنبه واروح مواصلات وهبيع الكوبونات بتاعتى سوق سوده وهلا ولا بتاكل ولا بتشرب حد عارف حاجه؟؟؟؟؟؟؟؟
وبعدين مش كفايه اسعار العربيات اللى اغلى من تمنها 3 مرات ؟؟؟؟؟؟؟؟؟؟؟؟؟؟؟؟؟؟؟
وطبعا السلع كلها هاتغلى والمواصلات هاتغلى الضعفين و و و
ده انا هنزل اقلعلهم ملط قدام الوزاره

ربنا يسهل ونشوف اليوم اللى يترفع فية الدعم نهائيا ونلاقي مستوى المعيشة مرتفع

بلد حالها عجيب العالم كله بيطلع لقدام واحنا اللى بنرجع لورا عشان ماشيين ورا شويه معقدين ومعاقين ذهنيا
كوبون ايه يا وزير المواشى؟؟؟؟
وانت مالك امشى قد ايه بعربيتى هو اللى معاه 800 سى سى زى اللى معاه 5700 انتى هتحكمنى اركب ايه؟؟؟
انا شغلك تحت بيتك وانا شغلى فى محافظه تانيه ليه نتساوى ببعض؟؟؟
انا تعبان ومش بقدر اتحرك غير بالعربيه ودخلى محدود وانتى صحتك كويسه ومش محتاج العربيه نتساوى ببعض ليه؟؟؟
هتنمع كده السوق السودا يعنى بخطتك اللى اغبى منها ماشفتش؟؟؟؟؟
انا مش معايا 2500 جنيه ف الترخيص عشان اشترى الكوبونات اشتحهم ولا امشى مخالف؟؟؟
طيب وباقى السلع والمواصلات اللى 100% هاتغلى اضعاف واضعاف ف الخطه ولا فين بالظبط؟؟؟
هتقدر تحكم البنزينات؟؟؟ طبعا احسن ليهم يبيعوا بالسعر الحر
مش عيب اننا دوله متخلفه وبننزل للقاع كل يوم بس على الاقل نشوف الناس المتحضره بتعمل ايه مش ننفرد بتجربه غبيه وفاشله زى دى
حسبى الله ونعم الوكيل فيكم يا شويه غنم

بلد بنت 60 ....* والله الواحد يعافر بايده و سنانه انه يهاجر بلا ذل بقى و قرف

الفكره دي والله انا فكرة فيها كل مره يحصل فيها ازمه للبنزين ولكن بطريقة اخري وكلنا عارفين الازمه بتيجي ازاي
اولا العربية بتخرج من المصنع محمله البنزين او السولار بعد ذلك تروح المحطة لابد ان يكون هناك لينك وليس مجرد ورق للتسليم لمسئول المحطة لانها مجرد ورقة واي حد حيمضي عليها او يكون هناك ختم للاستلام المهم
طبعا لعمل هذه الفكره محتاجه ايام وسنين لكن ممكن ان يتم تجربتها في محافظات القاهرة الكبري او الاسكندرية مثلا
مش حنقول كمية لكل عربية لكن عمل كارت ممغنط مثل كارت البنك وان يكون هذا الكارت يتم شحنه ماليا ويكون مسجل علية بيانات السيارة وعند الحصول علي البنزين من المحطة يتم اثبات للجهه المختصه بان السيارة رقم قد حصلت علي كمية بنزين هذا اليوم واي عربية كمية التنك الخاصه بيها لا يتعدي في السيارات الكبيرة 80 لتر علي ما اذكر اذا انه سوف لا يتم تموين السيارة في نفس اليوم الا اذا سافرت السيارة الي محافظة اخري يعني لايمكن تموين السيارة مره اخري في نفس المحافظة لنفس اليوم والمطلوب هنا عمل حوكمه بين الشركة المنتجه ومحطة التموين والسيارات التي تقوم بتموين البنزين وانا شايف ان ده حيمنع بيع البنزين او السولار في السوق السودا

قرار غببببببببببي
إزاي تساوي واحد إستخدامه للعربيه قليل بواح ( غصب عنه ) بيستعملها كتير ... هوا اللي بيستعمل العربيه ده ف كل مشوار بيستعملها بمزاجه ولا مضطر ... هو مين بيحب يسوق في البلد دي أصلا ... أتنيل روح طور وسائل المواصلات وحسنها والناس كلها هتستعملها من نفسها وتوفر البنزين من نفسها بلا فلسفه فاضيه .

اقتباس:

---

المشاركة الأصلية كتبت بواسطة karim_monir

القاهرة
نايل موتورز
كتب كريم منير
يعقد اليوم بمقر الهيئة العامة للبترول المهندس عبد الله غراب وزير البترول وعدد من كبار قيادات الهيئة العامة للبترول ومسئولو وزارة البترول وعدد من اعضاء اللجنة الاقتصادية والعديد من الخبراء اجتماع غاية في الاهمية لمناقشة مشروع صرف البنزين بالكوبونات وتحرير اسعار المنتجات البتروليه وعلى راسها البنزين والسولار لعدم اهدار الدعم وضمان وصوله لمستحقية
وعدم خلق سوق سوداء لتجارة المواد البتروليه


http://t2.gstatic.com/images?q=tbn:a...gcsoc7a1qzhhjw
صورة ارشيفية لازمة البنزين الماضية

---

الكلام لغاية النهاردة متوقف على موافقة الداخلية,لكن الدعم هيكون عن ال80 و ال95 و السولار محدش جاب سيره ال90 و 92
لان كوبونات ب 2500 جنيه على مدار العام فكرة مش كويسة على اساس انك لو معتدل فى السير هتصرف 10 لتر يوميا و على اساس الكوبونات هتحرق 6 لتر يوميا. يعنى اللى متعود يسافر بالعربية هيركنها بالطبع.

يعني الواحد بيتبهدل على الطرق علشان يروح الشغل بتاعه
ومصاريف و صيانه والذي منه و في الاخر بيوفر كام
كدا هياخدو اللي بوفره و مش هعرف أتجوز
شكلي هنحرف يا هتجوز المخده

المشكلة الرئيسية مش رفع الدعم عن المواد البترولية لكن المشكلة الحقيقة ان كل حاجة هتزيد معاها من زيت و صيانة و مواصلات و ايجارات و غذاء و كهرباء يعنى الحكومة بتدى باليمين و تاخد بالشمال

200 لتر فى الشهر كويس جدا بالنسبه لمعظم الناس

مين الى هيشتم معايا الحكومه الفاشله الغبيه حكومه بنت ستين--------------------------------------

اقتباس:

---

المشاركة الأصلية كتبت بواسطة abo_domma

بلد حالها عجيب العالم كله بيطلع لقدام واحنا اللى بنرجع لورا عشان ماشيين ورا شويه معقدين ومعاقين ذهنيا
كوبون ايه يا وزير المواشى؟؟؟؟
وانت مالك امشى قد ايه بعربيتى هو اللى معاه 800 سى سى زى اللى معاه 5700 انتى هتحكمنى اركب ايه؟؟؟
انا شغلك تحت بيتك وانا شغلى فى محافظه تانيه ليه نتساوى ببعض؟؟؟
انا تعبان ومش بقدر اتحرك غير بالعربيه ودخلى محدود وانتى صحتك كويسه ومش محتاج العربيه نتساوى ببعض ليه؟؟؟
هتنمع كده السوق السودا يعنى بخطتك اللى اغبى منها ماشفتش؟؟؟؟؟
انا مش معايا 2500 جنيه ف الترخيص عشان اشترى الكوبونات اشتحهم ولا امشى مخالف؟؟؟
طيب وباقى السلع والمواصلات اللى 100% هاتغلى اضعاف واضعاف ف الخطه ولا فين بالظبط؟؟؟
هتقدر تحكم البنزينات؟؟؟ طبعا احسن ليهم يبيعوا بالسعر الحر
مش عيب اننا دوله متخلفه وبننزل للقاع كل يوم بس على الاقل نشوف الناس المتحضره بتعمل ايه مش ننفرد بتجربه غبيه وفاشله زى دى
حسبى الله ونعم الوكيل فيكم يا شويه غنم

---

الله ينور عليك قول خلي الناس الي عمالة تتكلم و تنفسن على الي راكبين عربيات و بيقلك احسن يغلوا البانزين ! انتوا في ايه مش حاسسسسسسسسسسين !

محسسني انوا البلد كلها جايبة عربيات و بتحت بانزين و بتفضل رايحة جيه تعمل شقلبزات بالعربية ! حرام عليكم.... لو 100 واحد في منهم 99 بيستخدموا العربية في توصيل الطلبات و الاكل و البضايع و يودي المدام الشغل و العيال المدرسة عشان يوفر تمن الباص عشان يعرف يأكل العيال حلال و شغال طاحن نفسه و عراك و حوادث من بتوع مكروباصات مش فارق معاهم حاجة ...

و الي بيركب مكرباص و مش عاجبه العربيات و عمال يقول اسحن فكرك حتفضل تركبه ب جنيه وربع يا بيه ! ليه يعني حضرتك المكربواص ده شغال على البي البي لا موؤخذة يعني ؟ اكل حضرتك الي بتشرتيه من السوق كل يوم مش الفلاحة بتيجي من الغيط بعربية بيتحطلها بانزين ...

يا عااااااااااالم فوقوا حرام عليكم ... انا بتكلم وياريت الناس تحسبها بدل ما بيقلك مظاهرة عشان مرشح بتاع.... مفيش حد فيهم عملنا قرارا مفيد ولا حتى سمعنى رأيه في اي زفت من الي بيحصل ....

بجد حسيب الله و نعم الوكيل ... ياربببببببببببب تولانا و ارحمنا من العيشة ديه ...

المفروض ان القرار ده كويس بالنسبة له وحالته المادية والعملية يبص للي تحت منه اللي بيستخدم العربية اكتر منه وفالآخر نقول حديث الحبيب صلي الله عليه وسلم "لن يؤمن احدكم حتي يحب لأخيه مايحب لنفسه" حسبي الله ونعم الوكيل ....... الثورة مستمرة لغاية مالبلد تنضف من الحرامية

اقتباس:

---

المشاركة الأصلية كتبت بواسطة windofchange

المفروض ان القرار ده كويس بالنسبة له وحالته المادية والعملية يبص للي تحت منه اللي بيستخدم العربية اكتر منه وفالآخر نقول حديث الحبيب صلي الله عليه وسلم "لن يؤمن احدكم حتي يحب لأخيه مايحب لنفسه" حسبي الله ونعم الوكيل ....... الثورة مستمرة لغاية مالبلد تنضف من الحرامية

---

بس تصدق مش عارف ليه مش حاسس انها حتنضف :) خلاص بقى :hang:

حسبي الله ونعم الوكيل

الموضوع مالهوش علاقه بالدعم اكتر من انه يضرب منك 7500 جنيه مقدما (ثمن كوبونات 3 سنين بنزين) بالاضافه تكاليف ترخيص 3 سنين بالنسبه للناس اللى بتحاول انها تشترى دماغها من مهانة الترخيص كل سنه و ترخص 3 سنين
و برضه هتدفع ثمن الكوبونات و تروح المحطه و مش هتلاقى بنزين و هيقولوا لك 100 حجه و حجه

دعم البترول مش موجود أصلا غير في شوية دول قليلة جدا و منهم مصر .

وضع جمارك على السيارات واجب و ضروري

بس اللي مش موجود عندنا

هو وسائل مواصلات عامة محترمة تنتشر في كل أرجاء المدن الكبرى بالذات زي القاهرة و الأسكندرية تربط كل اجزاء المدينة علشان ممكن ناس كتيرة تستغنى عن عربياتها .

البنزين بيتباع في كل مكان بالسعر الحر مش مُدعم زي هنا
أوروبا ثمن البنزين فيها حوالي 10 جنيه لكل لتر .

البنزين و البترول من المحروقات الزائلة و غير متجددة ....... يبقى الصح نحافظ على اللي موجود قدر الأمكان و نستخدم مواصلات عامة ( تقلل الزحام و تقلل أستهلاك المحروقات )

بس طبعا لازم يكون فيه مواصلات عامة سريعة و نظيفة و محترمة زي مترو الأنفاق .

اقتباس:

---

المشاركة الأصلية كتبت بواسطة tutankhamoun

دعم البترول مش موجود أصلا غير في شوية دول قليلة جدا و منهم مصر .

وضع جمارك على السيارات واجب و ضروري

بس اللي مش موجود عندنا

هو وسائل مواصلات عامة محترمة تنتشر في كل أرجاء المدن الكبرى بالذات زي القاهرة و الأسكندرية تربط كل اجزاء المدينة علشان ممكن ناس كتيرة تستغنى عن عربياتها .(ولا حتى طرق)

البنزين بيتباع في كل مكان بالسعر الحر مش مُدعم زي هنا
أوروبا ثمن البنزين فيها حوالي 10 جنيه لكل لتر (البلدان اللى مبتدعمش المحروقات اقل دخل للفرد فيها يمكنه من العيش حياه كريمه و شراء كل حاجه عشان كده الدعم متشال, و بالرغم من ان الاسعار بتتغير حسب السوق بس برضه لما اسعار البنزين بتزيد عليهم الناس بتهيج و تعمل مشاكل).

البنزين و البترول من المحروقات الزائلة و غير متجددة ....... يبقى الصح نحافظ على اللي موجود قدر الأمكان و نستخدم مواصلات عامة ( تقلل الزحام و تقلل أستهلاك المحروقات )
(ايه علاقة الكوبونات بترشيد الاستهلاك؟؟؟ موضوع الكوبونات ببساطه و بالبلدى معناها اللى ممعهوش ميلزموش, و هيفتح سوق سوده كبيره)


بس طبعا لازم يكون فيه مواصلات عامة سريعة و نظيفة و محترمة زي مترو الأنفاق ( عامه سريعه معاك انما نظيفه و محترمه دى مشفتهاش).

---

موضوع الكوبونات هيوسع الفجوه الاجتماعيه و هيعمل فجوه طبقيه كبيره بين الطبقات الاجتماعيه لانه هيؤدى الى الغاء الطبقه الكادحه المتوسطه و البلد مش هيكون فيها غير يا اما الطبقه الفقيره جدا يا اما الطبقه التريه جدا لان ببساطه اللى معاه فلوس ( و كتيره ) هو بس اللى هيعرف يعيش

اقتباس:

---

المشاركة الأصلية كتبت بواسطة l0new0lf

موضوع الكوبونات هيوسع الفجوه الاجتماعيه و هيعمل فجوه طبقيه كبيره بين الطبقات الاجتماعيه لانه هيؤدى الى الغاء الطبقه الكادحه المتوسطه و البلد مش هيكون فيها غير يا اما الطبقه الفقيره جدا يا اما الطبقه التريه جدا لان ببساطه اللى معاه فلوس ( و كتيره ) هو بس اللى هيعرف يعيش

---

الله يفتح عليك و ده الي حاصل اصلا... فمش ناقصة اكتر من كدة :(

يا جماعة فى الاول لازم نشوف طاقه بديله للسيارات خالينا بأ نشغل دماغنا زى الغرب بأ حرام كده و اللهى عايزين نحل الازمات بعقلنيه مره واحده و اللهى و هتفتح العقلنيه بعد كده احنا اتعودنا اننا نحل مشكله بمشكله اكبر . زى موضوع يضحك كوبرى التونسى بعد الحادثه المشهورة اللى حصلت من ...........انهم عملوا ثلات او اربع مطبات عليه اول مره اشوف مطبات على كوبرى عارفيين ده معناه ايه تكدس السيارات على الكوبرى لتعديت المطب ده بيساوى حمل على اعمده الكوبرى اللى اكيد معموله اى كلام نتيجه لوزن السيارات اللى فى انتظار دورها للمرور فوق المطب يعنى يساوى كارثه ثانيه يعنى يساوى تكالييف مره ثانيه . يعنى حسبى الله و نعم الوكيل فى فى العقول

يا جماعة فى الاول نحل الموضوع من كذا نقطه
الاول - الطاقه البديله
الثانى - ازمات المرور و مصانع السيارات اللى عماله تحدف عربيات و العربيات المتهالكه القديمه
ثالثا - رفع مستوى الخدمه فى النقل الجماعى و عمل حارات خاصة بيها فقط فى جميع انحاء المحافظه زى الدول المحترمه
رابعا - تطبيق عمل تسيير السيارات زات الارقام الفرديه و الزوجيه و عمل منظومه حسابيه لارقام معينه للعمل فى ايام الا سبوع معينه و الاخرى كذلك

فكره كده عندى خطرت على بالى و انا بكتب الموضوع ده . المصانع اللى بتنتج السيارات و اى مستورد سيارات من خارج البلاد يدفع جزء من دخل المصنع من الارباح او دخل المستورد من الارباح لصالح تكهيين سياره مقابله للسياره اللى تخرج من المصنع او اللى مستورده من الخارج يعطى جزء منها و جزء على الدوله لصاحب السياره القديمه المراد تكهينها اعتقد ان اصحاب المصانع دى و المستوردين بيكسبوا كويس او لو مبيكسبوش كويس الدوله ترفع من عليهم جمارك اشياء فى مقابل ده و شكرا

و السلام عليكم

اقتباس:

---

المشاركة الأصلية كتبت بواسطة kar!m

أيوه بس حضرتك متبنيش قانون على exception .. يعني 200 لتر فى الشهر كويس جدا بالنسبه لمعظم الناس .. حتى لو مش كويس .. فكويس جدا ان الناس تاخد الكمية دي مدعمه .. و اللى محتاج أكتر من كده يشتري بسعر تاني.

كده يبقى في فرصه متساويه ان الناس كلها تنتفع بالبنزين.

---

عندك حق و الله بس يبقى موجود مثال صغير احنا هنا فى العريش و ما ادراك ما العريش يعنى التهريب للانفاق الله ينور تصدق الواحد علشان يمون يقعد 3 ساعات و الله بدون مبالغه صفيحه البنزين ال80 وصلت تعرف كام 50 جنيه واحد بموتسكل يمون و يفضى و يمون تانى غير العربيات الكبيره اللى شغاله سولار ما بقتش تشتغل اصلا نفس قصه الموتسكلات الحل لا فى الكوبونات و لا نيله الحل فى الرقابه الصارمه على محطات البنزين و اوامر غلق للمخالف و تفتيش مستمر مش من واحد معروف يبقى كذا واحد و الشرطه ربنا ينتعها بالسلامه و ترجع تشتغل تانى بضمير و اللى ياخد رشوه يتحبس لان احنا شعب بيخاف ولا يختشيش

بلد ماشية بنظام Limited فى كل شىء وياريت بنلاحظ فرق

بلد الكوبونات
خربش واكسب

الرد على الأستاذ l0new0lf

اقتباس:

---

(البلدان اللى مبتدعمش المحروقات اقل دخل للفرد فيها يمكنه من العيش حياه كريمه

ده مين اللي قال لحضرتك كدا ؟؟؟
الأول نحدد البلدان ....... يبقى هانقول أوروبا و أمريكا و كندا و أستراليا

أقل دخل للفرد هناك ......... بيشحت في الشارع و مفيش حد هناك يقدر يفتح بيت لوحده
بمعنى أن لازم الأب و الأم بيكونوا شغالين ............ و الأبناء أول ما يتم 16 سنة ......... بيطلع يشتغل علشان يقدر يكفي .
و شراء كل حاجه عشان كده الدعم متشال, و بالرغم من ان الاسعار بتتغير حسب السوق بس برضه لما اسعار البنزين بتزيد عليهم الناس بتهيج و تعمل مشاكل).

---

أنا بصراحة عمري ما شوفت مشاكل حصلت و أنا عايش مع غلاء أسعار البنزين . (عشت فترة زمنية في أوروبا )
أول ما البنزين كان بيغلى ....... الناس كانت بتروح الشغل بالعجل خصوصا اللي شغله قريب . و محدش كان بيعمل لا اعتصامات و لا مظاهرات ....... مع أن بريطانيا على سبيل المثال من الدول المنتجة للبترول من بحر الشمال

بُص يا سيدي
الأول موضوع الدعم ده .......... تخريب للأقتصاد خصوصا دعم البترول ......
الدعم لازم يكون للفقراء في الأكل و الشرب ............. و دعم التعليم واجب و ضروري و أنا ضد المدارس اللي بفلوس أصلا لأنها بقت هي الأساس دلوقتي .
المهم ما علينا خليني أشرح لحضرتك الناس هناك عايشة ازاي .

لو بتملك بيت
بتدفع عليه ضرائب شهرية أسمها ضريبة الحي ........... و دي بتكون في حدود 150 جنيه أسترليني و تزيد لو بيتك قيمته أعلى و هكذا و كل لما المكان يكون قيمة البيوت فيه أعلى كل لما الضريبة دي تزيد .

ثانيا هناك الطرق كلها بفلوس ........ و الركن بفلوس خصوصا في المدن الكبيرة زي لندن مثلا أو مانشيستر أو مثلا باريس في فرنسا . و بالتالي تكلفة أستخدام السيارة هي تكلفة عالية .

ثالثا تعالى نيجي للسيارة نفسها .
أنت لو أشتريت عربية جديدة ........ سعرها زي هنا بالظبط مفيش فرق .......... ضرائب و مصاريف بتوصل ثمن العربية زي الجمارك (ما هي الجمارك ضرائب برضه - بس هي أختلاف مسميات )
يعني مثلا
لو أشتريت جين 2 ......... ب 10 الاف أشترليني ....... تدفع ضرائب سنوية عليها حوالي 300 أو 350 جنيه مش عارف دلوقتي بقت كام بالظبط .........
و بعدين تدفع تأمين اجباري (مش بمزاجك ) ........ و التأمين ده مش زي هناك خالص
ده بيتم تحديده على عدة عوامل - عُمر السائق - أنثى أم ذكر - تاريخ حوادثه و مطالباته التأمينية - قيمة السيارة و عمرها و نوعها يعني كل لما العربية تكون غالية و هي جديدة حتى لو أنت شاريها ب 100 جنيه استرليني ....... تكون تأمينها عالي علشان قطع غيارها غاليه .
و ده طبعا بالاضافة أن البنزين غالي - قطع الغيار غالية - التصليح غالي جدا -

يعني لو تلاحظ أن الناس هناك مش عايشة العيشة الكريمة اللي حضرتك متخيلها نهائيا علشان أنا شوفت بعيني و لمست الموضوع و عيشت فيه .
الناس هناك بتعاني العمل الدائم و كل الأسرة بتعمل و تقريبا التحويش هناك قليل جدا يعني نادرا لما تلاقي واحد محوش حاجة لأن الحكومات في أوروبا فارضة ضرائب تقريبا على كل شئ مقابل أنها بتوفرلك حياة نظيفة (و لاحظ نظيفة و منظمة و ليست سهلة و لا على الأطلاق )

نيجي لأمريكا
امريكا المرتبات فيها ضعيفة و بالتالي الناس هناك بتشتغل شغلتين
شغلة دائمة .......... و الأخرى متقطعة أو اللي بيقولوا عليها بدوام جزئي و بالأنجليزي part time job

كل ده علشان يقدر يسد على الأسعار و يدفع الضرائب .

ناهيك بقى عن الفواتير (الكهرباء و الغاز )

يعني لو نحسبها حسبة بسيطة
واحد بيقبض مرتب 2000 جنيه استرليني (و ده مرتب فوق المتوسط )
و فاتح بيت و نفترض أنه بيملكه
يبقى أخد 150 جنيه ضرائب للحي
و 300 جنيه ضرائب العربية في السنة يعني شهريا 25
و تامين اجباري على السيارة نقول في المتوسط 500 جنيه سنوي يعني حوالي 40 جنيه شهري
و نقول فاتورة غاز حوالي 100 جنيه .......... و فاتورة كهرباء حوالي 100 جنيه
و فاتورة تليفون و أنترنت و التليفزيون و الكابل حوالي 50 جنيه
و نقول بيصرف حوالي 400 جنيه بنزين في الشهر في المتوسط
و نقول أكل و شرب حوالي 500 جنيه
و قسط البيت (أغلبهم مش بيملك البيت بتاعه ) نقول مثلا 1000 جنيه مثلا (ممكن يقل و ممكن يزيد حسب القيمة )

ناهيك بقى عن تصليح العربية و صيانتها الدورية و أي مصروفات نثرية تانية - أدوية - خروجات - سفرية في السنة .... الخ


هاتلاقي أن الباشا أللي بيقبض 2000 جنيه و ده مش كتير لأن فيه ناس أقل من كدا و دول نسبته مش قليلة
مش مكفيين
لأن هاتلاقي أن المصاريف عدت مرتبه و بالتالي مراته لازم تشتغل علشان يقدروا يفتحوا البيت .

هي بس حياتهم نظيفة و مُنظمة .... فبيوهيألنا أن أقل مرتب هناك هايعيشك .

لو حضرتك متباع الأخبار
أيام الركود في 2008 ........ في فرنسا الناس اللي دخلها أقل من 1500 يورو ...... كانوا بيدورا على أكل في صفائح الزبالة

ياريت مش كل حاجة تعملها الحكومة نبقى ناقمين عليها
ده أصلا كويس أنهم هايعملوا كوبونات بدل ازالة الدعم نهائيا .


حاجة كمان على بتوع أوروبا
بيشجعوا الناس تركب المترو و الأوتوبيس ........... و شراء السيارات الصغيرة ما دون 1300 سي سي .
كفاية أن أغنى دولة في اوروبا و هي سويسرا ......... هي أقل دولة في أستخدام السيارات .... مع أنهم أغنياء جدا و معندهومش مشكلة يشتروا بترول من أي مكان .
بس بيفكروا في البدائل و عمالين شغالين أبحاث على الطاقة البديلة ........ و بيستخدموا العجل و المواصلات العامة .
أنا عارف أن طريقة تفكيرنا مختلفة و متخلفة شوية و كمان عندنا طرق طويلة تقلل فرص ركوب العجل و لكن في شريحة كبيرة ممكن تستغني عن السيارة و لكن لا يفعلون .
أنا جاري بيروح يصلي معايا الجمعة على مقربة 250 متر - قستها بالجي بي أس - و بيركب عربيته علشان يروح الجامع (مش جار واحد و الله العظيم ) أنا الوحيد تقريبا اللي بروح الجامع مشي